SAGA SKÓLANS

Eftir framhaldsnám í MHÍ stofnuðu þær Sigríður og Sólveig Helga Myndlistarskóla Kópavogs haustið 1988. Þær fóru á fund bæjaryfirvalda og skólanefndar Kópavogs til að rökstyðja tilverurétt skólans. Bæjaryfirvöld hvöttu þær til dáða og varð hvatning sú til, að því brautargengi sem skólinn byggir á í dag. Síðan hefur bæjarfélagið stutt skólann vel og dyggilega.

Árið 1994 komst skólinn inn á fjárlög ríkisins sem varð mikill ávinningur fyrir hann. Kennslufræðilegar og listrænar áherslur voru sóttar til Myndlistaskólans í Reykjavík. Naut skólinn þess að vera í góðu sambandi við skólastjóra hans á mótunarárum sínum.

Fyrstu árin, sem skólinn var rekinn var einungis boðið upp á barna- og unlinganámskeið frá 6 – 15 ára. Fljótlega komust færri að en vildu, deildum var þá fjölgað og fullorðinsdeildir litu dagsins ljós.

Segja má að það marki upphaf Myndlistarskóla Kópavogs þegar tveir myndlistarkennarar, Sigríður Einarsdóttir og Sólveig Helga Jónasdóttir, fóru á fund bæjaryfirvalda í Kópavogi til að leita stuðnings við stofnun myndlistarskóla í bænum. Þær voru báðar fullvissar um að Kópavogur þyrf ti ekki síður á slíkum skóla að halda en tónlistarskóla og leikfélagi, sem þegar voru starfandi í bænum. Bæjaryfirvöld tóku erindi þeirra vel og hvöttu þær til dáða og haustið 1988 stofnuðu þær Myndlistarskóla Kópavogs. Alla tíð síðan hefur Kópavogsbær stutt skólann vel og dyggilega.

Sigríður og Sólveig Helga höfðu báðar numið við MHÍ undir leiðsögn Kurt Zier, mikils fræðimanns á sviði myndlistarkennslu sem hafði sterk áhrif á viðhorf nemenda sinna til myndlistarkennslu barna og unglinga. Fyrstu árin var einungis boðið upp á barna og unglinganámskeið en með aukinni aðsókn jókst fjölbreytnin og fullorðinsdeildir litu dagsins ljós. Skólinn átti gott samstarf við Myndlistaskólann í Reykjavík á mótunarárum sínum en strax í upphafi var sett á oddinn að til skólans yrðu ráðnir menntaðir myndlistarkennarar eða starfandi myndlistarmenn.

Skólinn var rekinn af stofnendunum þar til hann var gerður að sjálfseignarstofnun árið 1991 og um leið var stofnað skólafélag

Myndlistarskóla Kópavogs. Í fyrstu stjórn þess sátu stofnendur ásamt Ingiberg Magnússyni, Þórólfi Kristjáni Beck og Kristjáni Guðmundssyni sem var fyrsti stjórnarformaður félagsins. Heimir Pálsson var síðan formaður 1995–1999, Krístín Líndal 1999–2002 og Bragi frá 2002. Núverandi stjórn skólafélagsins skipa Bragi Michaelsson formaður, Derek Mundell, Erla Huld Sigurðardóttir, Birgir Rafn Friðriksson, Sigríður Einarsdóttir og Sólveig Helga Jónasdóttir. Magnús Jóhannsson, nemandi til margra ára við skólann kom inn í stjórnina, þegar Kristín Líndal hætti. Haustið 1991 stjórnaði Sigríður Einarsdóttir skólanum, þar til Sólveig Helga tók aftur við stjórn vorið 1994.

Haustið 1994 tók Sigríður Einarsdóttir svo við stjórn skólans og stjórnaði honum, þar til Ingunn Erna Stefánsdóttir, leirlistamaður og myndmenntakennari kom inn sem annar skólastjóri skólans og starfaði hún þar til á haustönn 2011. Þá tók Erla Huld Sigurðardóttir við og hafa hún og Sigríður stjórnað skólanum síðan. Árið 1994 komst skólinn inn á fjárlög ríkisins sem varð mikill ávinningur fyrir hann.

Skólinn er rekinn með námskeiðsgjöldum og styrkjum og allt frá stofnun hefur verið gætt ítrasta aðhalds í rekstrinum en inntak og listrænar áherslur teknar fram yfir ytri búnað.

Haustið 2008 flutti skólinn inn í nýtt húsnæði að Smiðjuvegi 74 og jafnframt var gerður samstarfssamningur milli skólans og Kópavogsbæjar til að styrkja reksturinn og auka þjónustu við bæjarbúa. Nýja húsnæðið er það stærsta, sem skólinn hefur haft afnot af og gefur það fyrirheit um enn frekari og öflugri starfsemi í framtíðinni. Á 25 ára afmæli skólans tilkynnti Ármann Kr. Ólafsson bæjarstjóri að Kópavogsbær hefði keypt húsnæði skólans að Smiðjuvegi 74. Skólinn fékk áframhaldandi stuðning Kópavogsbæjar til að vera í þessu húsnæði sem hefur verið mikill fengur fyrir skólann.

Undanfarin ár hefur nemendafjöldinn hefur verið á milli 750 – 800. Nú á vorönninni eru 38 deildir og kennarar 18.

Helstu nýjungar sem hafa orðið fastar í sessi eru: sumarnámskeiðin, opin vinnustofa, dagskóli, morguntímar, sem sífellt verða vinsælli, námskeið í vatnslitun fyrir eldri borgara, listasögukennsla fyrir börn- og unglinga og Þá má geta þess að kennt er að vinna með spjaldtölvur. Menntaskólanemendur

fá einingar fyrir nám í skólanum. Á þessum tímamótum, þegar litið er yfir þróunarferli og starfsemi skólans, má sjá að skólinn er orðinn þétt setinn.