Myndlistarskóli Kópavogs

Myndlistarskóli Kópavogs var stofnaður haustið 1988. Í skólanum eru starfræktar 38 deildir og kennarar eru 18. Helstu nýjungar sem eru orðnar fastar í sessi eru: sumarnámskeiði, opin vinnustofa, dagskóli, morguntímar, sem sífellt verða vinsælli, námskeið í vatnslitun fyrir eldri borgara og listasögukennsla fyrir börn- og unglinga.

MYNDLISTARSKÓLI KÓPAVOGS

er staðsettur í Austurbæ Kópavogs, nánar tiltekið að Smiðjuvegi 74. Sjáðu staðsetningu á KORTI.

Skólinn er í björtu og fallegu húsnæði, með stórkostlegu útsýni yfir Esjuna.

HUGSJÓN

að nemendur finni að þeir eru alltaf velkomnir í notalegt vinnuumhverfi. Við leggjum áherslu á persónuleg samskipti og persónulegt umhverfi.

MARKMIÐ

að kenna helstu grundvallaratriði myndlistar, auka færni einstaklingsins til myndsköpunar,  gefa nemendur tækifæri til að njóta sköpunarhæfileika sinna og einnig  að gefa nemendum færi á að verða meðvitaðri á myndrænan boðskap með skapandi starfi og tengslum við listasöguna.

KENNARAR

Við skólann starfa frábært lið af kennurum sem hafa breiða þekkingu og mismunandi kennsluaðferðir. Í Myndlistarskóla Kópavogs eru starfræktar 38 deildir og kennarar eru 18.

Saga Myndlistarskóla Kópavogs

Segja má að það marki upphaf Myndlistarskóla Kópavogs þegar tveir myndlistarkennarar, Sigríður Einarsdóttir og Sólveig Helga Jónasdóttir, fóru á fund bæjaryfirvalda í Kópavogi til að leita stuðnings við stofnun myndlistarskóla í bænum. Þær voru báðar fullvissar um að Kópavogur þyrfti ekki síður á slíkum skóla að halda en tónlistarskóla og leikfélagið, sem þegar voru starfandi í bænum. Bæjaryfirvöld tóku erindi þeirra vel og hvöttu þær til dáða og haustið 1988 stofnuðu þær Myndlistarskóla Kópavogs. Lesa meira...

Um Skólann

Erla Huld Sigurðardóttir og Sigríður Einarsdóttir eru skólastjórar Myndlistarskóla Kópavogs.

Núverandi stjórn skólafélagsins skipa: Bragi Michaelsson, formaður, Birgir Rafn Friðriksson, Derek Mundell, Erla Huld Sigurðardóttir, Magnús Jóhannsson, Sigríður Einarsdóttir og Sólveig Helga Jónasdóttir.

REKSTARSTEFNA MYNDLISTARSKÓLANS

Rekstrarstefna skólans hefur líka verið fastmótuð. Skólinn er rekinn með námskeiðsgjöldum og styrkjum. Allt frá stofnun skólans lögðu stjórnendur á það áherslu að fara aldrei fram úr fjárhagsáætlun og standa í skilum við alla þá aðila sem hann hafði viðskipti við og hefur það gengið eftir. Reksturinn hefur ekki alltaf verið auðveldur þrátt fyrir fjárstyrki. Lestu meira…