Teiknun byrjendur

Í teikningu er lögð áhersla á formfræði og myndbyggingu, unnið með grátónaskala skyggingar, línuteikningu, frumform, uppstillingar, fjarvíddarteikningar og hraðskissuæfingar. Nemendur kynnast mismunandi pappír og mismunandi teikniáhöldum svo sem: blýöntum, kolum, pastellitum, trélitum, tússpennum og tússbleki. Markmiðið er að skoða umhverfið í nýju ljósi, virkja sjónræna skynjun og verða færari í að koma hugmyndum sínum á blað.