SVANBORG MATTHÍASDÓTTIR

 Svanborg Matthíasdóttir

Svanborg Matthíasdóttir

Myndlistarmaður

Svanborg er fædd 1958

Eftir stúdentspróf frá MR, enskunám við HÍ og ítölskunám í Perugia og Flórens á Ítalíu stundaði hún nám við málaradeild MHÍ og útskrifaðist þaðan 1985. Síðan stundaði hún framhaldsnám í málaralist við Jan Van Eyck Akademiuna í Maastricht í Hollandi á árunum 1985-1987 þar sem hún naut m.a. handleiðslu Rene Daniels, Marlene Dumas og Marinu Abramowich.
Svanborg lauk námi til kennsluréttinda á framhaldsskólastigi frá HÍ 2001.

Við heimkomuna frá Hollandi árið 1988 hóf hún að kenna við Myndlistaskólann í Reykjavík (til 2002) og Myndlista og Handíðaskóla Íslands (til 2000) þar sem hún starfaði síðustu fjögur árin sem deildarstjóri málaradeildar. Hún vann ýmis umsjónar -og kennslustörf við Listkennsludeild LHÍ á árunum 2002 til 2012. Árið 2000 hóf Svanborg að kenna málun við Myndlistaskólann í Kópavogi og hefur kennt þar nær óslitið síðan.

Svanborg hefur haldið stöku einkasýningar og tekið þátt í fjölmörgum samsýningum á málverkum og bókverkum (frá árinu 2008) bæði hér heima og erlendis.

Comments are closed.